Lumba Wikithon Partisipasi Publik #2

    Pambusukan Utak

    Lumba Bapandapat & Mambari Salusi Altarnatif Disartai Putu

    English
    Bahasa Indonesia
    brain-rot-basakalimantanwiki

    Tatakunan Lumba:

    Kayapa cara bubuhan kita mangurangi dampak nang kada baik marga karancakan manuntun kuntin matan media digital nang cagaran marusak utak ganarasi anum?

    Lumba matan tanggal 4-28 Februari 2024

     

    Brain rot ngini marupakan parigal panurunan mintal nang disababakan ulih katuju malihat kuntin-kuntin di madia digital nang kada tapi baguna. Brain rot diartiakan lawan pambusukan utak marga karancakan manuntun kuntin nang kada baguna sahingga utak kada talatih lagi gasan bapikir, akhirnya kada bisa kunsintrasi wan manyababakan masalah kajiwaan.

    Syarat lawan Katantuan Lumba

    1. Lumba ini garatis, kada babiaya sapisirpun. 
    2. Lumba bapandapat, mambari salusi altarnatip disartai  putu wan narasi antara 50-100 kata wan kualitas putu maksimal 10 MB. 
    3. Pasarta baikungan, saurangan. 
    4. Pasarta dibagi manjadi 2 kataguri yaitu kataguri palajar wan mahasiswa/ umum 5. Karya kada bulih mangandung unsur SARA, pornografi, wan kada malanggar Undang–Undang Informasi wan Transaksi Elektronik (UU ITE). 
    5. Karya putu nang diaplud wajib putu nang diambil lawan kamera saurang (kada bulih dari midia susial atawa intirnet). 
    6. Pasarta maaplud karya di www.basakalimantanwiki.org caranya tikin Respon (tanggapi) pada rak “How can we reduce the negative effects of digital media which causes brain rot in young generation?”
    7. Karya nang dinilai badasarkan hasil putu, ide wan karya tulis nang diulah dalam 3 bahasa (Banjar, Indonesia, wan Inggris). 
    8. Lumba balangsung matan 4 sampai 28 Februari 2025. 
    9. Panilaian Juri balangsung salawas 1-15 Maret 2025 
    10. Nang manang kaina diumumakan tanggal 17 Maret 2025 
    11. Pasarta wajib maumpati akun IG/Fb @basakalimantanwiki gasan mangatahui parkambangan informasi Wikithon Partisipasi Publik#2. 
    12. Panjurian dilakuakan ulih diwan juri yang harat di bidangnya masing-masing lawan kaputusan diwan juri kada kawa diubah-ubah.
    13. Juri tadiri dari pakar kasihatan mintal, praktisi akadimisi, wan instansi Dinas Pambardayaan Parampuan wan Anak.

    Cara Unggah Pandapat

    Login ka basakalimantanwiki.org
    Nang #1
    Masuk ka basakalimantanwiki.org. Di pinggir kanan atas, picik log masuk (log in). Pian jua kawa masuk langsung wan akun Gmail. Nang balum paham bisa manakuni panitia Wikithon supaya kawa masuk.
    Login ka basakalimantanwiki.org
    Itihi tatakunan Wikithon di halaman utama wibsait
    Nang #2
    Lihati di atas halaman utama wibsait, ada tatakunan Wikithon. Picik tumbul “respond/tanggapi” di bawahnya, sacara utumatis imbah dipicik langsung masuk wan kawa babatulis pandapat atawa bapartisipasi ka Wikithon.
    Itihi tatakunan Wikithon di halaman utama wibsait
    Lengkapi isian
    Nang #3
    Langkapi kulum nang tasadia, saparti:

    Judul gasan karya, ulahi sakriatif kabisaan, kada bulih sama wan sudah tadahulu batatulis pandapat wan ulah dalam talu basa (Banjar, Indonesia, Inggris);

    Unggah karya pendapat singkat dalam basa Banjar di kulum bahasa Banjar. Kulum bahasa Indonesia wan Inggris pilihan haja (kada wajib);

    Unggah gambar ataw putu nang sudah baizin sarta manyambung wan tulisan atawa tima. Nang bangian ngini cagaran manjadi sampul karya Pian. Gambar atawa putu kada bulih nang sudah baisian hak cipta wan gambar dari kamira saurang-saurang atau ulahan saurang nang dibantu AI;

    Pilih kataguri pasarta nang handak diumpati di kulum “Kataguri”;

    Isiakan idantitas saurang: afiliasi (urganisasi, kumunitas, sakolah, instansi, dsb), janis kalamin, wan umur.

    Catatan Panting: sasuai dangan kabijakan privasi, BASAkalimantan Wiki kada maminta pasarta manulisakan ngaran asli dalam intri Wikithon supaya manjaga karahasiaan idantitas pasarta. Pamanang Wikithon kaina diumumakan dangan cara manampayakan username. Sahingga, pastiakan nang umpat Wikithon maingati username-nya.

    Lengkapi isian
    Simpani laman
    Nang #4
    Lamun sudah maisi sabarataan kulum nang diwajibakan maisi, picik tumbul "simpan laman/save page" di bagian bawah laman.
    Simpani laman

    Linimasa

    Periode Lomba & Unggah Karya Wikithon

    4-28 Februari 2025
    Rekapitulasi Karya, Kurasi dan Penilaian Juri

    1-15 Maret 2025
    Pengumuman Pemenang Wikithon Partisipasi Publik

    17 Maret 2025

    Kataguri Pasarta

    Pasarta adalah panutur Bahasa Banjar di mana haja badiam. Di Wikithon#2 ngini pasarta dibagi manjadi 2 katagori: 

    1. Palajar SMA/SMK/sadarajat
    2. Mahasiswa wan Umum (Maksimal baumur 30 tahun)

    Hadiah

    KATAGURI PALAJAR:

    Pamanang Partama: Rp1.000.000

    Pamanang Kadua: Rp750.000

    Pamanang Katalu: Rp500.000

     

    KATAGURI MAHASISWA/UMUM:

    Pamanang Partama: Rp1.000.000

    Pamanang Kadua: Rp750.000

    Pamanang Katalu: Rp500.000

     

    Kataguri Papurit: Rp500.000 

    Kataguri Kumintar Tarbaik: Rp250.000

    Dewan Juri

    1. dr. Winda Oktari A, Sp. KJ (pakar kasihatan mintal).
    2. Dr. Sainul Hermawan (akadimisi ULM Kalimantan Salatan).
    3. Hj. Erma Epiyana, S.Sos, MM (kapala Dinas PPPAPMPPKB Kota Banjarbaru).

    Pemenang diumumkan melalui media sosial BASAkalimantan Wiki pada tanggal 17 Maret 2025.

    Apabila masih belum jelas dan menghadapi kendala, jangan ragu untuk menghubungi narahubung/admin kami (+628115049200).

    Selamat Berkompetisi!